فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
SAT, 21 SEP 2019 06:20 Erbil, GMT +3
Source: KRG-DFR DFR publication date: TUE, 10 SEP 2019 17:03
کۆمارى چینى میللى ئاستی پەرەپێدانی پەیوەندیەکانی لە هەرێم بەرز دەکاتەوە

ئەمڕۆ سێشەممە 2019/9/20سەفین دزەیی، بەرپرسی فەرمانگەی پەیوەندیەکانی دەرەوەی حکومەت لەگەڵ نی ڕوچی، کونسوڵی گشتی کۆماری چینی میللی لە هەرێمی کوردستان کۆبۆوە.

سەرەتای کۆبوونەوەکە کونسوڵی گشتی کۆماری چینی میللی پیرۆزبایی دەستبەکاربوونی لە سەفین دزەیی، بەرپرسی پەیوەندیەکانی دەرەوەی حکومەتی هەرێم کرد و هیوای سەرکەوتنی لە ئەرکەکانیدا بۆ خواست.

کونسوڵی گشتی کۆماری چینی میللی لە هەرێم باسی لە پەیوەندی لەمێژینەی نێوان کۆماری چینی میللی و هەرێمی کوردستان کرد ئەوکاتەی هەردوو گەل ئاڵوگۆڕی بازرگانیان کردووە. هەروەها ئاماژەی بەوەکرد کە لە چەند ساڵی ڕابردوودا پەیوەندی نێوان هەردوولا فراوان بووە، ووتی "کۆماری چینی میللی گرنگی بە پێگەی هەرێمی کوردستان دەدات، هەر لەو چوارچێوەیەشدا و لە دەستپێکی شەڕی داعش نوێنەرایەتی خۆی لەسەر ئاستی کونسوڵگەی گشتی لە هەرێم کردەوە."

لە بەشێکی تری ووتەکانیدا نی ڕوچی هیوای سەرکەوتنی بۆ حکومەتی تازەی هەرێم خواست و ووتی حکومەتی چین بایەخێکی تەواو بە پەیوەندیەکانی لەگەڵ هەرێمی کوردستان دەدات وە هانی کۆمپانیا چینیەکان دەدات بۆ ئەوەی بێن لە هەرێم وەبەرهێنان بکەن لەگەڵ ئاسانکاری بۆ فراوانکردنی ئاڵوگۆڕی بازرگانی نێوانیان.

هاوکات ڕایگەیاند کۆماری چینی میللی لە ڕووی زانستی و کەلتوورییەوە لەگەڵ هەرێمی کوردستان لە پێشکەوتنی باشدان وەکو خوێندنی زمانی چینی لە زانکۆی سەڵاحەددین وە خوێندنی زمانی کوردی لە ناوەندەکانی زانستی چین دەکرێتەوە.

نی ڕوچی ڕۆڵی کاریگەرانەی سەرۆکی هەرێمی کوردستان و سەرۆکی حکومەتی هەرێمی کوردستانی بەرز نرخاند لە بەرەوپێشبردنی هەرێم لە ڕووی ئاوەدانکردنەوەو ئابووری و دەستەبەرکردنی ئاسایش و سەقامگیری لە ناوچەکە، ووتی سەقامگیری و ئاسایش فاکتەرێکی سەرەکیە کە وای لە وەبەرهێنە چینیەکان کردووە ڕوو لە هەرێمی کوردستان بکەن، بۆیە پێشبینی دەکەین لە 2 ساڵی داهاتوودا ژمارەی کۆمپانیا وەبەرهێنەرەکانمان لە هەرێم زیاد بکات.

لەلایەن خۆیەوە بەرپرسی فەرمانگە باسی لە گرنگی پێگەی ئابووری و زانستی و مێژوویی و کەلتووری و پێکەوەژیانی ئاشتیانەی وڵاتی چین کرد. هاوکات سوپاسی کونسوڵگەی گشتی چین لە هەرێم کرد بۆ پێشخستنی پەیوەندیەکانی نێوان هەردوولا بەتایبەتیش لە بواری زانستی و ئابووریدا. بەرپرسی فەرمانگە هیوای خواست چین بە ئەزموونە دەوڵەمەندەکەی هاوکاری هەرێمی کوردستان بکات لە گشت بوارەکاندا.


لە درێژەی کۆبوونەوەکەدا بەرپرسی فەرمانگە پوختەیەکی لەسەر پەرەسەندنە سیاسیەکانی هەرێمی کوردستان و ناوچەکە و بەرەوپێشترچوونی پەیوەندیەکانی نێوان حکومەتی هەرێمی کوردستان و حکومەتی فیدڕاڵ پێشکەشکرد، هەروەها باسی لە سیاسەتی کرانەوەی حکومەتی هەرێمی کوردستان کرد بەڕووی چین و وڵاتانی تری کۆمەڵگای نێودەوڵەتی.

جێگای ئاماژەیە کونسوڵگەری گشتی کۆماری چینی میللی 5 ساڵی تەمەنی لە هەرێمی کوردستان تێپەڕاند.




ئەنجومەنی وەزیران کۆبووەوەو ئەم بڕیارانەی دەرکرد
WED, 18 SEP 2019 17:24

• لیژنەیەکی تایبەتمەند لە وەزارەتە پەیوەندیدارەکان پێکدەهێنرێت بۆ رێکخستنەوەو هەماهەنکی لە دەروازە سنوورییەکانی هەرێمی کوردستان.

• ئاسانکاری یاسایی پێویست بۆ دانەوەی قەرزە کشتوکاڵییەکان دەکرێت بە شێوەیەک بارگرانی نەخاتە سەر گوزەرانی جووتیاران.

• لیژنەیەکی یاسایی پێکدەهێنرێت بۆ دەستنیشانکردن و ئامادەکردنی ئەو پڕۆژە یاسایانەی کە پێویستە لەم وەزرە یاساییەدا بنێردرێنە پەرلەمانی کوردستان.

مەسرور بارزانى سەرۆکى حکومەتى هەرێم پێشوازى لە شاندێکی وڵاتی هیند بە سەرۆکایەتی ڤێرڤالی مۆرالی دەهاران وەزیری دەولەت بۆ کاروباری دەرەوە کرد
TUE, 17 SEP 2019 22:28

ئەمڕۆ سێشەممە 2019/9/17 بەڕێز مەسرور بارزانى سەرۆکى حکومەتى هەرێم پێشوازى لە شاندێکی وڵاتی هیند بە سەرۆکایەتی ڤێرڤالی مۆرالی دەهاران وەزیری دەولەت بۆ کاروباری دەرەوە کرد.

 

 
نێچیرڤان بارزانی به‌شداریی ڕێوڕه‌سمی په‌رده‌لادان‌ له‌سه‌ر په‌یكه‌ری گاندی له‌ هه‌ولێر ده‌كات
TUE, 17 SEP 2019 19:03

ئێواره‌ی ئه‌مڕۆ سێشه‌ممه‌ 17/9/2019 به‌ ئاماده‌بوونی به‌ڕێز نێچیرڤان بارزانی سه‌رۆكی هه‌رێمی كوردستان و به‌رێز ڤێرماڤالی مۆرالی دەھاران وەزیری دەوڵەتی هیندستان بۆ كاروباری دەرەوە و په‌رله‌مان، ڕێوڕه‌سمی په‌رده‌لادان له‌سه‌ر په‌یكه‌ری مه‌هاتما غاندی له‌ پاركی شه‌هید سامی عبدالرحمن له‌ هه‌ولێر به‌ڕێوه‌چوو.

 

 

نێچیرڤان بارزانی: بەهێزترین سه‌رچاوه‌ی سرووشتی، بیركردنه‌وه‌یه‌

THU, 19 SEP 2019 20:48

ئێواره‌ی ئه‌مڕۆ پێنجشه‌ممه‌ 19/9/2019 به‌ ئاماده‌بوونی به‌ڕێز نێچیرڤان بارزانی سه‌رۆكی هه‌رێمی كوردستان، هه‌روه‌ها به‌ڕێزان محه‌مه‌د حه‌لبووسی سه‌رۆكی ئه‌نجومه‌نی نوێنه‌رانی عێراق، مه‌سروور بارزانی سه‌رۆكی حكوومه‌تی هه‌رێمی كوردستان، دكتۆر به‌شیر حه‌داد جێگری سه‌رۆكی ئه‌نجومه‌نی نوێنه‌رانی عێراق، ماتیوو تیوولەر بالیۆزی ئه‌مه‌ریكا له‌ عێراق، په‌رله‌مانتارانی كوردستان و عێراق و به‌رپرسانی سیاسی و ئیداری و نوێنه‌ر و كونسولی وڵاتانی بیانی له‌ هه‌رێمی كوردستان، ڕێوڕه‌سمی ده‌رچووانی یه‌كه‌م خولی قوتابیانی زانكۆی ئه‌مه‌ریكی كوردستان له‌ پارێزگای دهۆك به‌ڕێوه‌چوو.

 

مه‌سرور بارزانی: له‌ كابینه‌ی نۆیه‌م گرنگی تایبه‌ت به‌ كه‌رتی خوێندن و په‌روه‌رده‌ ده‌درێت

THU, 19 SEP 2019 20:46

دهۆک، هەرێمی کوردستان، عێراق (GOV.KRD) - مه‌سرور بارزانی، سه‌رۆكی حكومه‌تی هه‌رێمی كوردستان، ئه‌مڕۆ پێنجشه‌ممه‌، 19ی ئه‌یلوولی 2019، له‌ وتارێكدا له‌ ئاهه‌نگی خولی یەکەمی ده‌رچووانی زانكۆی ئه‌مه‌ریكی كوردستان له‌ دهۆك، جه‌ختی له‌ گرنگی كه‌رتی خوێندن و په‌روه‌رده‌ كرده‌وه‌ و گوتی له‌ كارنامه‌ی كابینه‌ی نۆیه‌م، ئه‌و كه‌رته‌ له‌ پێشینه‌ی كاره‌كانه‌.

 

سه‌رۆكی حكومه‌تی هه‌رێمی كوردستان له‌گه‌ڵ سه‌رۆكی ئه‌نجومه‌نی نوێنه‌رانی عێراق كۆبووه‌وه‌

THU, 19 SEP 2019 19:56

دهۆک، هەرێمی کوردستان، عێراق (GOV.KRD) - مه‌سرور بارزانی، سه‌رۆكی حكومه‌تی هه‌رێمی كوردستان، ئه‌مڕۆ پێنجشه‌ممه‌، 19ی ئه‌یلوولی 2019، له‌ په‌راوێزی ئاهه‌نگی یه‌كه‌م خولی ده‌رچووانی زانكۆی ئه‌مه‌ریكی كوردستان له‌ دهۆك، له‌گه‌ڵ محه‌مه‌د حه‌لبووسی، سه‌رۆكی ئه‌نجومه‌نی نوێنه‌رانی عێراق كۆبووه‌وه‌.

 

ڕوونکردنەوەیەک لە نووسینگەی سەرۆکی حکومەتی ھەرێمی کوردستانەوە

THU, 19 SEP 2019 11:14

لە کاتێکدا کە حکومەتی ھەرێمی کوردستان شێلگێرانە سەرقالی گرتنەبەری رێکاری زیاتری خزمەتی ھاووڵاتیانە، ھەندێ دەزگای نابەرپرسی میدیایی لە ئاراستەیەکی پێچەوانەدا سەرقالی دروستکردن و بڵاوکردنەوەی ھەواڵی چەواشاکارانەن و بە تایبەت ھەوڵ دەدەن ناوی سەرۆکی حکومەت ئاوێتەی ئەم ھەوڵە نابەجێیانەیان بکەن.