فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
TUE, 12 NOV 2019 17:33 Erbil, GMT +3
Source: KRG-DFR DFR publication date: SUN, 3 NOV 2019 14:41
بەرپرسی فەرمانگەی پەیوەندیەکانی دەرەوە پێشوازی لە شاندێکی رێکخراوی ئەنجومەنی خاوەنکارانی عێراقی - بەریتانی کرد

ئەمڕۆ یەکشەممە، ڕێکەوتی (٣/١١/٢٠١٩)، سەفین دزەیی، بەرپرسی پەیوەندیەکانی دەرەوە پێشوازی کرد لە شاندێکی رێکخراوی ئەنجومەنی خاوەنکارانی عێراقی - بەریتانی  (IBBC) بە سەرۆکایەتی خاتوو بارۆنیس ئێما نیکلسۆن و بەشداری بەڕێز جەیمس ثۆرنتۆن، کونسوڵی گشتی بەریتانیا لە هەرێمی کوردستان و شاندی یاوەری کە پێکهاتبوون لە سەرۆک و نوێنەری کۆمپانیا و خاوەنکارانی بەریتانیا لە هەرێمی کوردستان و عێراق بە ئامانجی تاوتووێ کردنی دوایین بەرەوپێشچوونەکانی ناوچەکە و بوار و دەرفەتەکان بۆ پەرەپێدانی کەرتی تایبەت و هەماهەنگی نێوان خاوەنکارانی هەرێمی کوردستان و بەریتانیا.

لە دەستپێکی دیدارەکەدا، بەرپرسی فەرمانگەی پەیوەندیەکانی دەرەوە بەخێرهاتنی شاندی میوانی کرد بۆ ئەم سەردانە پاشان پووختەیەکی پێشکەش کرد تایبەت بە دیدگای حکومەتی هەرێمی کوردستان لە ڕابردوو و ئێستادا بۆ برەودان بە کەرتی تایبەت و هاندانی وەبەرهێنانی بیانی لە بوارە جیاجیاکانی ووزە و ژێرخان و ئاوەدان کردنەوە. دواتر، هانی خاوەنکاران و وەبەرهێنەرانیدا هاوتا لەگەڵ دیدگای حکومەت هەماهەنگ و هاوکار بن لەسەر کارکردن و وەبەرهێنان لەگەڵ کۆمپانیاکانی کەرتی تایبەتی ناوخۆیی لە بوارەکانی پەرەپێدانی کشتوکاڵ و گەشتیاری و پەروەردە بە ئامانجی هەمەجۆر کردنی سەرچاوەی ئابووری.

 

لەلای خۆیەوە ، خاتوو بارۆنیس ئێما نیکلسۆن، بەناوی شاندی یاوەری، سووپاسگوزاری و خۆی دەربڕی بۆ ئەم سەردانە بۆ لەنزیکەوە ئاشنا بوون بە دەرفەت و بوارەکانی وەبەرهێنان و هەماهەنگی هەردولا بە مەبەستی بەشداری زیاتری کەرتی تایبەت و پەرەپێدانی بوارەکانی بەرژەوەندی هاوبەش لەنێوان خاوەنکار بۆ خاوەنکار.

لە بەشێکی دیکەی دیدارەکەدا، بەڕێز بەرپرس فەرمانگە و ئەندامانی شاندی میوان ئاڵوگۆڕی زانیاری و تاوتوێی چەند پرسێکیان کرد وەکو هاندەرێک بۆ بەشداری و نزیکبوونەوەی خاوەنکارانی بەریتانی و هەرێمی کوردستان لە ئەنجامدانی کار و پڕۆژەی جۆراوجۆر لە بوارەکان و چۆنیەتی هاوکاری و هەماهەنگی و پاڵپشتی حکومەتی هەرێمی کوردستان بۆ پێشکەش کردنی ئاسانکاری.

 




نێچیرڤان بارزانى له‌گه‌ڵ شاندێكى كۆنگرێسى ئه‌مه‌ریكى كۆبووه‌وه‌
MON, 4 NOV 2019 17:12

سه‌رۆك نێچیرڤان بارزانى دووپاتى كرده‌وه‌ كه‌ هه‌رێمى كوردستان به‌ بایه‌خه‌وه‌ له‌ په‌یوه‌ندییه‌كانى له‌گه‌ڵ كۆنگرێسى ئه‌مه‌ریكا ده‌ڕوانێت و سوپاس و پێزانیى هه‌رێمى كوردستانى بۆ ئه‌مه‌ریكا دووپات كرده‌وه‌ كه‌ هه‌میشه‌ پشتگیرى له‌ هه‌رێمى كوردستان كردووه‌ و به‌تایبه‌تى له‌ شه‌ڕى دژى تیرۆردا هاوكاریى هه‌رێمى كوردستان و عێراقى كرد و ڕۆڵى گه‌وره‌ى له‌ تێكشاندنى داعشدا بینى.

 
سەرۆکی حکومەتی هەرێمی کوردستان پێشوازی لە ئەنجومەنی بازرگانی عێراقی بەریتانی دەکات
MON, 4 NOV 2019 17:06

هەولێر، هەرێمی کوردستان، عێراق (GOV.KRD) - ئەمڕۆ دووشەممە ٢٠١٩/١١/٤ مەسرور بارزانی سەرۆکی حکومەتی هەرێمی کوردستان پێشوازی لە شاندێکی ئەنجومەنی بازرگانی عێراقی - بەریتانی کرد بە سەرۆکایەتی بارۆنس ئێما نیکلسن نوێنەری سەرۆک وەزیرانی بە ریتانیا بۆ کاروباری بازرگانی لەگەڵ عێراق.

 
سەرۆکی حکومەتی هەرێمی کوردستان پێشوازی لە شاندێکی باڵای کۆنگرێسی ئەمەریکی دەکات
MON, 4 NOV 2019 17:00

• شاندی کۆنگرێسی ئەمەریکا: بەردەوام دەبین لە پشتگیرییکردنی هەرێمی کوردستان.

• مەسرور بارزانی: هەرێمی کوردستان وەک هەمیشە رۆڵی ئەرێنی خۆی دەگێڕێت لە چەسپاندنی سەقامگیریی ئاشتی و ئاسایش لە عێراق و ناوچەکەدا.


 

بەرپرسی پەیوەندیەکانی دەرەوەی حکومەتی هەرێم پێشوازى لە جێگرى باڵیۆزى بەنگلادیش لە عێراق کرد

WED, 6 NOV 2019 08:41

لە کۆبوونەوەکە، بەرپرسی پەیوەندیەکانی دەرەوەو جێگری باڵیۆزی بەنگلادش لە عێراق تاوتوێی پەیوەندی دووقۆڵی و فراوانکردنی هەماهەنگیەکانی نێوانیان کرد لەو بوارانەی کە سوودو قازانجی هەردوولا دەگرێتەوە. هاوکات، تیشکیان خستەسەر بارودۆخ ودوایین پێشهاتە سیاسیەکان لە هەرێم و ناوچەکە بە گشتی.

 

کونسوڵی گشتی کۆماری چینی میللی لەگەڵ بەرپرسی پەیوەندیەکانى دەرەوە کۆبووەو کۆمەک و یارمەتى وڵاتەکەى بۆ ئاوارەو پەنابەران تەرخانکرد

TUE, 5 NOV 2019 14:28

ئەمڕۆ سێشەممە، ڕێکەوتی ٥/١١/٢٠١٩ ، سەفین دزەیی، بەرپرسی فەرمانگەی پەیوەندیەکانی دەرەوە پێشوازی لە بەڕێز نی ڕۆچی، کونسوڵی گشتی کۆماری چینی میللی لە هەرێمی کوردستان  شاندی یاوەری کرد بە مەبەستی تاوتوێ کردنی دوایین بەرەوەپێشچوونەکانی ناوچەکە و پرسی ئاوارە و پەنابەران و پەیوەندیە دولایەنەکان.

 

بەرپرسی پەیوەندیەکانی دەرەوە پێشوازی لە باڵیۆزی جەزائیر لە بەغدا کرد

TUE, 5 NOV 2019 14:21

ئەمڕۆ سێشەممە، ڕێکەوتی ٥/١١/٢٠١٩ سەفین دزەیی، بەرپرسی فەرمانگەی پەیوەندیەکانی دەرەوە پێشوازی کرد لە بەڕێز عبدالقادر بن شاعة، باڵیۆزی جەزائیر لە بەغدا بە ئامانجی تاوتوێ کردنی دوایین بەرەوپێشچوونەکانی هەرێمی کوردستان و ناوچەکە.

 

جێگرى نێردەى سکرتێرى گشتى نەتەوە یەکگرتووەکان لە عیراق سەردانى فەرمانگەى پەیوەندیەکانى دەرەوەی کرد

TUE, 5 NOV 2019 13:03

ئەمرۆ رۆژى سێشەممە ٥/١١/٢٠١٩ سەفین دزەیى بەرپرسى فەرمانگەى پەیوەندیەکانى دەرەوە پێشوازى لە خاتوو ئەلیس ولپۆ جێگرى نێردەى سکرتێرى گشتى نەتەوە یەکگرتووەکان لە عیراق و شاندى یاوەرى کرد.