فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
TUE, 14 JUL 2020 12:29 Erbil, GMT +3
Source: KRG-DFR DFR publication date: THU, 28 NOV 2019 09:33
كه‌لتووری كوردی له‌فیستیڤاڵی فره‌كه‌لتووری كراكۆڤ نیشاندرا

نوێنه‌رایه‌تی حكومه‌تی هه‌رێمی كوردستان له‌پۆڵۆنیا، سەنتەری كوردی و هونه‌رمه‌ندانی كورد و ڕه‌وه‌ندی كوردستانی به‌شداریان له‌نیشاندانی كه‌لتووری كوردی كرد له‌فیستیڤاڵی فره‌كه‌لتوری و پێكه‌وه‌بوونی شاری كراكۆڤ له‌پۆڵۆنیا.

نوێنه‌رایه‌تی حكومه‌تی هه‌رێمی كوردستان له‌پۆڵۆنیا و سەنتەری كوردی یه‌كێكن ‌له‌هاوبه‌شانی به‌ڕێوه‌بردنی فیستیڤاڵه‌كه‌.
ئامانجی فیستیڤاڵه‌كه‌ زیاتر ئاشناكردنی خه‌ڵكه‌ به‌كه‌لتووری جیاوازی میلله‌‌تانی ناو شاری كراكۆڤ و بۆ ئه‌م مه‌به‌سته‌ش زیاد له‌60 به‌رنامه‌ی جیاجیا پێشكه‌ش ده‌كرێت له‌لایه‌ن میلله‌ته ‌جیاوازه‌كانه‌وه‌.

له‌یه‌كه‌م ڕۆژی فیستیڤاڵه‌كه‌دا له‌چه‌ند شوێنێكی جیاجیا میلله‌ته‌كان كه‌لتووری خۆیان نیشاندا. ئێمه ‌وه‌ك كوردستانیان له‌بینای سەنتەری كوردی لەكراكۆڤ كۆبووینه‌وه‌و چه‌ند نمایشێكی كه‌لتووری كوردیمان ئه‌نجامدا.
  
سه‌ره‌تا به‌ڕێز زیاد ڕه‌ئووف و خاتوو كەتاژینا گورالچیك (Katarzyna Góralczyk ) به‌خێرهاتنی میوانه‌كانیان كرد و دواتر دوو هونه‌رمه‌ندی به‌توانا (ئاراد ئه‌مامغولو و سامان ئەلیاس) باسیان له‌مێژووی دێرینی ئامێری ده‌ف و زوڕنا بۆ ئاماده‌بووان كرد و دواتر چه‌ند پارچه‌ موزیكێكیان پێشكه‌ش به‌ئاماده‌بوان كرد. به‌هۆی خۆشی موزیكه‌كه‌وه‌ئاماده‌بوان كه‌وتنه‌جۆش و خرۆش و دواتر ده‌ستكرا به‌هه‌ڵپه‌ڕكێی كوردی و پۆڵۆنیه‌كانیش به‌منداڵ و گه‌وره‌وه‌به‌شداریان له‌هه‌ڵپه‌ڕكێی كوردیدا كرد و ھەوڵی فیربوونی لێدانی دەفیان دا .

له‌كۆتا به‌شی به‌رنامه‌كه‌دا، ئاماده‌بوان ڕۆیشتنه ‌ناوه‌ندی شار و به‌ئاڵای كوردستان و هه‌ڵپه‌ڕكێ و میوزیكی كوردیه‌وه ‌سه‌رنجی سه‌رجه‌م هاوڵاتیانی ئاماده‌بوویان بۆ لای خۆیان ڕاكێشا. زۆرێك له‌هاوڵاتیان له‌و لاته‌دا پرسیاریان له‌ناو و شوێنی ئاڵا و جۆری ئامێره ‌میوزیكیه‌كه ‌ده‌كردو وێنەو ڤیدێۆیان تۆمار دەكرد . له‌وێدا ده‌رفه‌تێكی باش ڕه‌خسا بۆ زیاتر ناساندنی كه‌لتووری كوردی به‌ئاماده‌بووان.  

وا بڕیاره‌ له‌به‌رواری 1ی كانوونی یه‌كه‌می ئه‌مساڵدا و له‌كۆتا ڕۆژی فیستیڤاڵه‌كه‌دا به‌رنامه‌یه‌ك تایبه‌ت به‌كوردستان سه‌باره‌ت به‌سیسته‌می ڕێنووس و دیالێكتی كورد و چیرۆك بۆ مناڵان ساز بكرێت. هه‌روه‌ها كورته‌فیلمی ''كراكۆڤی من، كوردستانی من'' پێشكه‌ش ده‌كرێت و دواتر به‌ڕێز زیاد ڕه‌ئووف به‌شداری پانێڵێك ده‌كات و زیاتر كه‌لتووری كوردی به‌ئاماده‌بوان ئاشنا ده‌كات .

 




مەسرور بارزانی، سەرۆكی حكومەتی هەرێمی كوردستان لە رێوڕەسمی دانانی بەردی بناغەی شەقامی 100 مەتری لە سلێمانی رایگەیاند "شەقامی 100 مەتری سلێمانی، یەكێكە لە پڕۆژە هەرە گەورە و ستراتیژیەكانی حكومەت بۆ شاری خۆشەویستی سلێمانی و خەڵكی سلێمانی شایەنی پڕۆژەی زیاترن".
SAT, 11 JUL 2020 17:08

ئەمڕۆ شەممە 11/7/2020 مەسرور بارزانی سەرۆكی حكومەتی هەرێمی كوردستان، بە ئامادەبوونی قوباد تاڵەبانی جێگری سەرۆكی حكومەت و ژمارەیەك وەزیر و پارێزگاری سلێمانی، بەردی بناغەی شەقامی 100 مەتری سلێمانی دانا.

 
سەفین دزەیی: نوێنەرایەتی لە تورکیا و هەندێ لە وڵاتانی عەرەبی و ئاسیا دەکەینەوە
FRI, 10 JUL 2020 21:44

سەفین دزەیی، بەرپرسی فەرمانگەی پەیوەندیەکانى دەرەوەی حکومەتی هەرێم لە لێدوانێکدا لە بارەى تێپەڕبوونی ساڵێک بەسەر تەمەنی کابینەی نۆیەمی حکومەت و کاروچالاکییەکانی بە کوردستان24ـی راگەیاند، سەرەڕای بەربەست و قەیرانەکان، حکومەت هەنگاوی زۆر باشی بۆ بەهێزکردنی پەیوەندییەکانی ناوە.

 
ئەنجومەنی وەزیران گفتوگۆ دەربارەی سیستەمی بایۆمێتری و گرفتەکانی کەرتی کشتوکاڵ دەکات
WED, 8 JUL 2020 21:00

ھەولێر، ھەرێمی كوردستان، عێراق (GOV.KRD)- ئەمڕۆ چوارشەممە ٢٠٢٠/٧/٨ ئەنجومەنی وەزیرانی هەرێمی کوردستان بە سەرپەرشتی مەسرور بارزانی سەرۆکی وەزیرانی هەرێمی کوردستان و بەشداربوونی قوباد تاڵەبانی جێگری سەرۆک وەزیران، لە ڕێگەی ڤیدیۆ کۆنفرانسەوە کۆبووەوە.

 

 

بەبۆنەى کۆچى دوایى کونسوڵى میسر لە هەرێم، سەفین دزەیى نامەیەکى هاوخەمى ئاراستەى وەزیرى دەرەوەى کۆمارى میسرى عەرەبى کردو پەیوەندیەکى تەلەفۆنى لەگەڵ باڵیۆزى میسر لە بەغدا ئەنجامدا

MON, 13 JUL 2020 21:00

ئەمڕۆ دووشه‌ممه‌ 13/7/2020 به‌ڕێز سەفین دزەیى بەرپرسى پەیوەندیەکانى دەرەوەى حکومەت پرسه‌نامه‌یه‌كى ئاراسته‌ى به‌ڕێز د. سامح شوکرى وەزیرى دەرەوەى کۆمارى میسرى عەرەبى کرد، تێیدا پرسەو سەرەخۆشى خۆى ئاراستەى بەڕێزیان کرد بەبۆنەى کۆچى دوایى باڵیۆز ئه‌حمه‌د جیهاد سعید حارس كونسولى كۆمارى میسرى عه‌ره‌بى له‌هەرێمى کوردستان، کە دوێنێ بە نەخۆشى لە قاهیرەى پایتەختى میسر کۆچى دوای کرد. وێڕاى بەرز نرخاندنى رۆلى خوالێخۆشبوو لە پتەوکردنى پەیوەندیەکانى نێوان هەردوولا، هیواى خواست خواى گەورە سەبرو ئارامى بە دۆستان و خانەوادەو کەسوکارى ببەخشێت و جێگەى بەهەشتى بەرین بێت.

 

سه‌رۆك نێچیرڤان بارزانى سه‌ره‌خۆشى له‌ سه‌رۆك ئه‌لسیسى ده‌كات

SUN, 12 JUL 2020 21:36

ئه‌مڕۆ یه‌كشه‌ممه‌ 12/7/2020 به‌ڕێز نێچیرڤان بارزانى، سه‌رۆكى هه‌رێمى كوردستان پرسه‌نامه‌یه‌كى ئاراسته‌ى به‌ڕێز عه‌بدولفه‌تاح ئه‌لسیسى، سه‌ركۆمارى میسر كرد، تیایدا بۆ كۆچى دواییى خوالێخۆشبوو ئه‌حمه‌د حارس كونسولى كۆمارى میسرى عه‌ره‌بى له‌ هه‌ولێر، سه‌ره‌خۆشى له‌ به‌ڕێزیان كرد و هاوخه‌میى خۆى بۆ له‌ده‌ستدانى خوالێخۆشبوو ده‌ربڕى كه‌ دوێنێ له‌ میسر كۆچى دوایى كرد.

 

فەرمانگەى پەیوەندیەکانى دەرەوەى حکومەت بە بۆنەى کۆچى دوایی کونسوڵى میسڕ لە هەرێم باڵیۆز ئەحمەد جیهاد سەرەخۆشى لە خانەوادەو ستافى کونسوڵگەرى و باڵیۆزخانەى میسڕ لە عیراق و وەزارەتى دەرەوەى میسڕ دەکات

SUN, 12 JUL 2020 21:29

بەداخەوە ئەمڕۆ وەزارەتى دەرەوەى کۆمارى میسڕى عەرەبى رایگەیاند کونسوڵى میسر لە هەرێمى کوردستان باڵیۆز ئەحمەد جیهاد سەعید حارس بە هۆى نەخۆشى لە قاهیرەى پایتەختى میسڕ کۆچى دوایی کرد.

 

سەرۆکی حکومەتی ھەرێمی کوردستان سەرپەرشتی کۆبوونەوەیەکی تایبەت بە چاکسازییەکانی وەزارەتی پێشمەرگە دەکات

SUN, 12 JUL 2020 17:29

ھەولێر، ھەرێمی كوردستان، عێراق (GOV.KRD)- ئه‌مڕۆ یه‌كشه‌ممه‌ ٢٠٢٠/٧/١٢ مه‌سرور بارزانى سه‌رۆكى حكومه‌تى هه‌رێمى كوردستان له‌ ڕێگەی‌ ڤیدیۆ كۆنفرانسه‌وه‌ ، سه‌رپه‌رشتى كۆبوونه‌وه‌یه‌كى تایبه‌ت به‌ پرۆسه‌ى چاكسازى له‌ وه‌زاره‌تى پێشمه‌رگه‌ كرد.