فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
MON, 1 JUN 2020 03:05 Erbil, GMT +3
Source: KRG-DFR DFR publication date: SAT, 11 JAN 2020 13:24
نێچیرڤان بارزانى له‌گه‌ڵ عادل عه‌بدولمه‌هدى كۆبووه‌وه‌

به‌ڕێزان نێچیرڤان بارزانى، سه‌رۆكى هه‌رێمى كوردستان و عادل عه‌بدولمه‌هدى سه‌رۆك وه‌زیرانى عێراق، جه‌ختیان كرده‌وه‌ كه‌ عێراق نه‌كرێته‌ گۆڕه‌پانى ململانێى هێزه‌ هه‌رێمى و نێوده‌وڵه‌تییه‌كان، هه‌روه‌ها په‌یوه‌ندییه‌كانى عێراق له‌گه‌ڵ وڵاتان له‌سه‌ر بنه‌ماى به‌رژه‌وه‌ندیى هاوبه‌ش و ڕێزگرتن له‌ سه‌روه‌ریى عێراق بێت و هه‌موو لایه‌نه‌كان پێكه‌وه‌ كار بكه‌ن بۆ ئاڵۆزترنه‌بوونى زیاترى دۆخه‌كه‌ و گێڕانه‌وه‌ى ئارامى و سه‌قامگیرى، به‌رژه‌وه‌ندییه‌كانى عێراقیش ئه‌وله‌ویه‌تى هه‌مووان بێت.

سه‌رله‌به‌یانیى ئه‌مڕۆ شه‌ممه‌ 11/1/2020 دواى ئه‌وه‌ى به‌ڕێز عادل عه‌بدولمه‌هدى سه‌رۆك وه‌زیرانى كاربه‌ڕێكه‌رى عێراق به‌ سه‌ردانێك گه‌یشته‌ هه‌ولێر و له‌لایه‌ن به‌ڕێز نێچیرڤان بارزانى، سه‌رۆكى هه‌رێمى كوردستانه‌وه‌ پێشوازى لێكرا، هه‌ردوولا كۆبوونه‌وه‌.

له‌ كۆبوونه‌وه‌كه‌دا دۆخى عێراق و لێكه‌وته‌كانى دوایین ڕووداو و پێشهاته‌كانى ده‌سپێكى ساڵى تازه‌ له‌ به‌غدا و گرژى و ئاڵۆزییه‌كانى نێوان ئه‌مه‌ریكا و ئێران و خۆپیشاندانه‌كانى عێراق و په‌یوه‌ندییه‌كانى عێراق له‌گه‌ڵ وڵاتانى دراوسێ و كێشه‌كانى هه‌ولێر ـ به‌غدا و دیالۆگى چاره‌سه‌ركردنیان تاوتوێ كرا.

گرنگیى به‌رده‌وامیى هاوكارى و پشتگیریى كۆمه‌ڵگه‌ى نێوده‌وڵه‌تى بۆ عێراق و هه‌رێمى كوردستان له‌ شه‌ڕى دژى تیرۆردا و مه‌ترسییه‌كانى سه‌رهه‌ڵدانه‌وه‌ى تیرۆر و جموجوڵى تیرۆرستانى داعش له‌ عێراق و به‌تایبه‌تیش له‌ ناوچه‌كانى نێوان پێشمه‌رگه‌ و هێزه‌ چه‌كداره‌كانى عێراق، بابه‌تێكى دیكه‌ى كۆبوونه‌وه‌كه‌ بوو كه‌ تیایدا هه‌ردوولا جه‌ختیان له‌ گرنگیى هاوكارى و هه‌ماهه‌نگیى نێوان پێشمه‌رگه‌ و سوپاى عێراق كرده‌وه‌.




ڕوونکردنەوەیەک لە بارەی قەرز و ئیلتیزاماتە داراییەکانی ھەرێمی کوردستان
TUE, 26 MAY 2020 18:51

هەولێر، هەرێمی کوردستان، عێراق (GOV.KRD)- نووسینگەی سەرۆکی حکومەتی ھەرێمی کوردستان رۆژی سێشەممە ٢٦ گوڵانی ٢٠٢٠ روونكردنەوەیەك سەبارەت بە پرسی قەرز و ئیلتیزاماتە داراییەكانی ھەرێمی كوردستان بڵاوكردەوە، ئەمەش دەقی روونكردنەوەكەیە:

 
دەقى ووتاری بەڕێز مەسرور بارزانی سەرۆکی حکومەتی هەرێمی کوردستان دەربارەی پلانەکانی حکومەت بۆ رووبەرووبوونەوەی قەیرانی دارایی
FRI, 22 MAY 2020 21:10

سەرەتا بە بۆنەی جەژنی رەمەزانی پیرۆزەوە، پیرۆزباییتان لێدەکەم و هیودارام کاتێکی خۆش لە رۆژانی جەژندا بە سەر ببەن، داواشتان لێدەکەم بۆ پاراستنی خۆتان و کەسوکار و کۆمەڵگەکەتان، رێکارەکانی خۆپارێزی و رێنماییە تەندروستییەکان لەبەرچاو بگرن.

 
ئەمڕۆ سەرۆکی حکومەتی هەرێمی کوردستان گوتارێکی گرنگ پێشکەش دەکات .
FRI, 22 MAY 2020 15:31

ئەمڕۆ هەینی 2020/5/22 کاتژمێر 8 ی ئێوارە، سەرۆکی حکومەتی هەرێمی کوردستان رێزدار مەسرور بارزانی گوتارێکی گرنگ دەربارەی پلانی حکومەتی هەرێم بۆ رووبەرووبوونەوەی قەیرانی دارایی پێشکەش دەکات.

 

 

سەرۆکی حکومەتی هەرێمی کوردستان سەرپەرشتی کۆبوونەوەیەکی تایبەت بە قەرز و پابەندییە داراییەکانی هەرێمی کوردستان دەکات

SUN, 31 MAY 2020 15:33

هەولێر، هەرێمی کوردستان، عێراق (GOV.KRD) -- ڕۆژی یەکشەممە ٢٠٢٠/٥/٣١ مەسرور بارزانی سەرۆکی حکومەتی هەرێمی کوردستان، بە ئامادەبوونی قوباد تاڵەبانی جێگری سەرۆکی حکومەت و وەزیرە پەیوەندیدارەکان، سەرپەرشتی کۆبوونەوەیەکی تایبەت بە قەرز و پابەندییە داراییەکانی سەر حکومەتی هەرێمی کوردستان کرد.

 

نێچیرڤان بارزانى له‌گه‌ڵ فەرماندەی هێزی ئۆپەراسیۆنی تایبەتی هاوپەیمانان كۆبووه‌وه‌

SAT, 30 MAY 2020 17:22

له‌ كۆبوونه‌وه‌كه‌دا كه‌ به‌ڕێز شێخ جه‌عفه‌ر مسته‌فا جێگرى سه‌رۆكى هه‌رێمى كوردستان ئاماده‌ى بوو، دوایین پێشهاته‌كانى بڵاوبوونه‌وه‌ى په‌تاى ڤایرۆسى كۆرۆنا و هه‌وڵ و ڕێكاره‌كانى به‌ره‌نگاربوونه‌وه‌ى، هه‌روه‌ها لێكه‌وته‌كانى به‌تایبه‌تى له‌ بواره‌كانى ته‌ندروستى و ئابووریدا‌ و كاریگه‌رى له‌سه‌ر به‌رنامه‌ و جموجووڵى سه‌ربازیى هێزه‌كانى هاوپه‌یمانان له‌ عێراق و سووریا تاوتوێ كرا.

 

سەرۆکی حکومەتی هەرێمی کوردستان پێشوازی لە فەرماندەی هێزی ئۆپەراسیۆنی تایبەتی هاوپەیمانان لە عێراق و سوریا دەکات

SAT, 30 MAY 2020 16:08

هەولێر، هەرێمی کوردستان، عێراق (GOV.KRD) – رۆژی شەممە ٢٠٢٠/٥/٣٠ مەسرور بارزانی سەرۆکی حکومەتی هەرێمی کوردستان پێشوازیی لە مێجەر جەنەڕاڵ ئیریک هیل فەرماندەی هێزی ئۆپەراسیۆنی تایبەتی هێزەکانی هاوپەیمانان لە عێراق و سوریا کرد.

 

پەیامێک لە سەرۆکی حکومەتی هەرێمی کوردستانەوە لە بارەی مەترسیی تەشەنەکردنی زیاتری پەتای کۆرۆنا

FRI, 29 MAY 2020 11:55

هەولێر، هەرێمی کوردستان، عێراق (GOV.KRD) – مەسرور بارزانی سەرۆكی حكومەتی ھەرێمی كوردستان رۆژی ھەینی ٢٩ ئایاری ٢٠٢٠ لە پەیامێكدا داوا لە ھاووڵاتییانی كوردستان دەكات بۆ پاراستنی تەندروستیی خۆیان و خێزانەكانیان پابەندی رێنماییە تەندروستییەكانی بەرەنگاربوونەوەی ڤایرۆسی كۆرۆنا بن، ئەمەش دەقی پەیامەكەیەتی: