فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
MON, 21 MAY 2018 08:24 Erbil, GMT +3
Source: KRG-DFR DFR publication date: SUN, 22 APR 2018 09:25
پەیامی ئەنجومەنی وەزیران لە ساڵیادی ڕۆژنامەگەریی کوردیدا

لە سەد و بیستەمین ساڵیادی دەرچوونی یەکەم ڕۆژنامەی کوردی و بەبۆنەی ڕۆژی ڕۆژنامەگەریی کوردییەوە، پیرۆزباییەکی گەرم ئاراستەی سەرجەم ڕۆژنامه‌نووسان و سه‌ندیكاى ڕۆژنامه‌نووسانى کوردستان دەکەین، هیوای پێشکەوتن و سەرکەوتنیان بۆ دەخوازین لە کاری پیشەییانە و گەیاندنی پەیامی دروست و نیشتیمانیانەدا بۆ خزمەتكردنی زیاتر بە کۆمەڵگا، داکۆکیکردنی سەندیکای ڕۆژنامەنووسانیش لە ماف و خواستەکانی ڕۆژنامه‌نووسانى کوردستان بەرز دەنرخێنین.

مایەی شانازییە لە هەرێمی کوردستاندا دەیان دەزگای ڕۆژنامه‌وانى و میدیایى بە جیاوازیی بیروڕا و پەیامی سیاسییەوە لە کەشێکی ئازاددا کار دەکەن. ڕۆژنامه‌نووسانى کوردستان لە ڕێگەی پێڕەوکردنی میتۆدێکی دروستی پیشەییانە و مەدەنیانەی متمانەدار و دوورکەوتنەوە لە هەر کردە و ڕەفتارێک زیان بە شکۆ و ناوبانگی میدیای کوردی و ئاشتی و سەقامگیریی کۆمەڵگا بگەیەنێت، دەتوانن ڕۆڵی کاریگەریان هەبێت لە پاراستنی ئەم ئازادییەی کە مافی خۆیانە.

حکوومەتی هەرێمی کوردستان هەمیشە پەرۆشی ڕەخساندنی کەشێکی گونجاو و شارستانیانەیە بۆ کاری ڕۆژنامه‌وانى بەپێی پرەنسیپەکانی ئازادیی بیروڕا. لەگەڵ پاراستنی هەموو ئەو مافانەی وەک دەسەڵاتی چوارەم بە میدیا ڕەوا بینراوە، هاوکات چاوەڕوانیشی لە دەزگا میدیاییەکان و میدیاکارانی کوردستان هه‌یه وێڕای ڕۆڵی کاریگەریان لە پاراستنی ئاشتیی کۆمەڵایەتی و گەشەپێدانی کولتووری سیاسی و کۆمەڵایەتی و فەرهەنگیی کۆمەڵگا و بڵاوکردنەوەی هۆشیاریی نیشتیمانی، ڕۆڵێکی کاریگەر لە هاوکاریکردنی دەزگا حکوومییەکان بگێڕن لە میانەی چاودێریکردن و بەدواداچوونی کار و پرۆژە جیاجیاکانەوە و ببنە پردى نێوان هاووڵاتیان و حکوومەت.

ئێستا لە هەرێمی کوردستان کەشێکی ئازاد و ئارام ڕەخسێنراوە بۆ ئەنجامدانی بانگەشەی هەڵبژاردنەکانی ئەنجومەنی نیشتیمانیی عێراق کە خوازیارین لە کەشێکی مەدەنیانەی دروست و  سەقامگیردا بەڕێوە بچێت، لە سەرجەم دەزگا میدیاییەکان و میدیاکارانی کوردستانیش داواکارین ڕۆڵێکی ئەرێنی و کاریگەریان هەبێت لە پاراستنی ئارامی و ئاشتیی کۆمەڵایەتی و پێشکەشکردنی ئەزموونێکی جوانی دیموکراسی کە شایانی ناو و ناوبانگی کوردستان و مێژووی خەبات و قوربانییه‌كانى بێت.

لەم یادەدا سڵاو و دروود بۆ گیانی پاکی ئەو ڕۆژنامه‌نووس و میدیاکارانەی کوردستان دەنێرین کە لە بەرەکانی جەنگی دژ بە تیرۆریستانی داعش لەپێناو گەیاندنی زانیاری و ڕاستیدا گیانیان بەخشی، لەگەڵ ڕێز و پێزانینمان بۆ سەرجەم ئەو دەزگا میدییانەی لەو ئەرکە نیشتیمانیەدا ڕۆڵی خۆیان بینیوە. بەرز و پیرۆز بێت ڕۆژی ڕۆژنامەگەریی کوردی و ساڵیادی دەرچوونی ڕۆژنامەی (کوردستان) لەسەر دەستی ڕه‌وانشاد مامۆستا (میقداد مەدحەت بەدرخان).

ئەنجومەنی وەزیرانی کوردستان
٢٢/٤/٢٠١٨




فەلاح مستەفا لەگەڵ بەرپرسى تازەى نووسینگەى مافەکانى مرۆڤى نەتەوە یەکگرتووەکان لە هەرێم کۆبووەوە
WED, 16 MAY 2018 13:06

ئەمڕۆ چوار شەممە ١٦/٥/٢٠١٨ فەلاح مستەفا بەرپرسى پەیوەندیەکانى دەرەوەى حکومەت پێشوازى کرد لە یوشیکۆ هاسومى بەرپرسى تازەى نووسینگەى مافەکانى مرۆڤى سەر بە نەتەوە یەکگرتووەکان لە هەرێمى کوردستان.

 
بەرپرسى پەیوەندیەکانى دەرەوەى حکومەت لەگەڵ تۆڕی گه‌نجانی نیشتیمان NYN کۆبووەوە
MON, 14 MAY 2018 20:02

ئێوارەى رۆژى دووشەممە فەلاح مستەفا بەرپرسى پەیوەندیەکانى دەرەوەى حکومەت  بە ئامادەبوونى خاتوو سیهام جەبەلى یاریدەدەرى بەرپرسى فەرمانگەو ژمارەیەک لە راوێژکارو بەڕێوەبەرى گشتى فەرمانگە پێشوازیان لە ژمارەیەکى زۆر لە ئەندامانى تۆڕی گه‌نجانی نیشتیمان NYN بەسەرۆکایەتى رەوەند حوسێن دامەزرێنەرى تۆڕى گەنجانى نیشتمان کە خۆى لە چالاکوانانى خۆبەخش لە بوارە جیاجیاکان دەبینێتەوە کرد.

 
نێچیرڤان بارزانی و برێت مه‌كگۆرگ قۆناغی دوای هه‌ڵبژاردن تاوتوێ ده‌كه‌ن
MON, 14 MAY 2018 18:21

سه‌رله‌به‌یانیی ئه‌مڕۆ دووشه‌ممه‌ 14/5/2018، به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، پێشوازی له‌ به‌ڕێزان برێت مه‌كگۆرگ نێرده‌ی تایبه‌تی سه‌رۆكی ئه‌مه‌ریكا بۆ شه‌ڕی دژی داعش و دۆگلاس سیلیمان باڵیۆزی ئه‌مه‌ریكا له‌ عێراق و شاندێكی دیپلۆماسیی یاوه‌ریان كرد.

 

 

شاندێکی حکومەتی هەرێم بەشداری کۆڕبەندی ئاسایشی جیهانی GLOBSEC لە سلۆڤاکیا کرد

SUN, 20 MAY 2018 10:53

لە ماوەی ڕۆژانی ١٧-١٩ / ٥ / ٢٠١٨ فەلاح مستەفا بەرپرسی پەیوەندیەکانی دەرەوەی حکومەت  بەشداری لە سێزدەهەمین کۆربەندی ئاسایشی جیهانی لە براتسلاڤای پایتەختی سلۆڤاکیا کرد.

 

نوێنەرایەتى حکومەتی ھەرێمی کوردستان لە پۆلۆنیا کۆنفرانسێکی نێودەولەتی دەربارەی رۆلی کورد لە رۆژھەلاتی ناوەڕاست سازکرد

FRI, 18 MAY 2018 10:55

لەژێر ناونیشانی"رۆلی کورد لە رۆژھەلاتی ناوەڕاست " کۆنفرانسێکی زانستی نێودەولەتی رۆژی دووشەم ١٤ی ئایار بەڕێوەچوو لە زانکۆی کۆلێگیوم سیڤیتاس لە وارشۆ ، بەھاوکاری و لە ژێر چاودێری نوێنەرایەتی حکومەتی ھەرێمی کوردستان لە پۆلۆنیا .

 

پەیامێك لە وتەبێژی فەرمی حكومەتی هەرێمی كوردستانەوە

THU, 17 MAY 2018 10:29

بە بۆنەی مانگی رەمەزانی پیرۆزەوە پیرۆزباییەكی گەرم لە خانەوادەی شەهیدان، پێشمەرگە قارەمانەكانی كوردستان و هەموو موسڵمانانی كوردستان، عیراق و جیهان دەكەین، بەو هیوایەی ئەو مانگە ببێتە مایەی خۆشی و كامەرانی بۆ هەموو لایەك.

 

نێچیرڤان بارزانی: داوا ده‌كه‌م كۆمسیۆن نیگه‌رانیی لایه‌نه‌كان به جددى وه‌ربگرێت

WED, 16 MAY 2018 22:53

پاشنیوه‌ڕۆی ئه‌مڕۆ چوارشه‌ممه 16/5/2018 له كۆنگره‌یه‌كی ڕۆژنامه‌وانیدا به‌ڕێز نێچیرڤان بارزانی سه‌رۆك وه‌زیرانی هه‌رێمی كوردستان، باسی له پرۆسه‌ی هه‌ڵبژاردنی ئه‌نجومه‌نی نوێنه‌رانی عێراق و چه‌ند بابه‌تێكی په‌یوه‌ست به هه‌ڵبژاردن و دۆخی ناوچه‌كه‌وه به‌گشتی كرد.