فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
THU, 16 AUG 2018 06:55 Erbil, GMT +3
Thu, 16 Aug 2018 06:55:47

فلاح مصطفی، بەر‌پرسی فەرمانگەی پەیوەندییەكانی دەرەوە بە پلەی وەزیر

• لە دایك بووی شاری هەولێر ساڵی 1964.
• بڕوانامەی بەكالۆریۆسی لە زمان و ئەدەبی ئینگلیزی لە كۆلێژی ئاداب لە زانكۆی موسڵ بەدەست هێناوە لە ساڵی 1986.
• بڕوانامەی ماستەری لە بواری پەرەپێدانی جیهانی سێ لە زانكۆی (باپ) لە بەریتانیا بەدەست هێناوە لە ساڵی 1995.
• دیبلۆمی لە كۆلێژی كەنەدی بۆ حوكمڕانی لە زانكۆی هارفارد لە ویلایەتە یەكگرتووەكانی ئەمەریكا لە بواری بەڕێوەبردنی حكومەت بەدەست هێناوە لە ساڵی 2001.
• لە ساڵی 1991 ئەندامی مەكتەبی ناوەندی پەیوەندیە گشتیەكانی پارتی دیموكراتی كوردستان بووە، دواتر لە ساڵی 1996 بوو بە جێگری سەرپەرشتیاری مەكتەب.
• لە ساڵی 1999 كابینەی سێیەم پۆستی بریكاری وەزارەتی كشتوكاڵ و ئاودێری پێسپێردرا.
• لە ساڵی 2002 تا 2004 راوێژكاری سەرۆك وەزیران بەڕێز نێچیرڤان بارزانی بوو.
• لە ساڵی 2004 لە كابینەی چوارەمی حكومەت پۆستی وەزیری هەرێمی پێ سپێردرا.
• لە كابینەی پێنجەم بە پلەی وەزیر بوو بە بەرپرسی فەرمانگەی پەیوەندییەكانی دەرەوەی حكومەتی هەرێم و تا ئێستاش لە كارەكەی بەردەوامە.


بەرپرسی پەیوەندیەكانی دەرەوە بە شێوەیەكی فەرمی بەشداری لە بۆنەو كۆنگرە هەرێمی و نێودەوڵەتیەكان دەكات و چالاكانە كار دەكات بۆ پتەوكردنی پەیوەندیە سیاسی و ئابووری و كەلتوریەكان لەگەڵ بەرپرسانی وڵاتان و دامەزراوەو رێكخراوەكان لە سەر ئاستی جیهان. 


رۆڵی هەبووە لە پتەوكردنی پەیوەندیەكانی هەرێمی كوردستانی لەگەڵ كۆمەڵگای نێودەوڵەتی لە هەموو رووێكەوەو هانی بەرنامەی ئاڵوگۆڕی رۆشنبیری و پەروەردەیی داوە، بایەخی بە دابینكردنی زەمالەی خوێندن و پرۆگرامی پەرەپێدانی تواناكان داوە بۆ قوتابیان و فەرمانبەران و پێگەیاندنی گەنجان لە كوردستان.


بە شێوەیەكی بەردەوام پوختەی تێڕوانین و سیاسەتی حكومەت دەخاتەڕوو بۆ هەموو ئەو حكومەت و دامەزراوەو رێكخراوو كۆمپانیاو ناوەندی هزری و دەزگای رۆژنامەوانی و لێكۆڵەرە بیانیانەی كە سەردانی هەرێمی كوردستان دەكەن.