فه‌رمانگه‌ی په‌یوه‌ندییه‌کانی ده‌ره‌وه‌
حكومه‌تی هه‌رێمی كوردستان
TUE, 20 AUG 2019 19:51 Erbil, GMT +3
Tue, 20 Aug 2019 19:51:53

پەسەندكردنی بەڵگەنامە

پەسەندكردنی بەڵگەنامە

 

پەسەندکردنى بەڵگەنامەکان و پشتڕاستکردنەوەیان یەکێکە لە ئەولەویەتى کارەکانى فەرمانگەى پەیوەندیەکانى دەرەوە بە هەماهەنگى کردن لەگەل دام و دەزگا پەیوەندیدارەکان لە حکومەتى هەرێمى کوردستان و عێراقى فیدڕاڵ. بۆ ئەم مەبەستە، چەند مەرجێک هەن کە پێویستە ڕەچاو بکرێن بۆ ئەوەى بەڵگەنامەکان پەسەند بکرێن کە ئەمانەن:-

·         پەسەندکردنى بەڵگەنامەکان لە بەشى یاسایی فەرمانگەى پەیوەندیەکانى دەرەوە دەبێت.

·         پێویستە بەڵگەنامەکان رەسەن (ئۆریجیناڵ) بن.

·         هەر هاوڵاتیەک لە دەرەوەى ووڵات بەر لە گەرانەوەى پێویستە بەڵگەنامەکانى لە باڵیۆزخانەکانى عێراق یان کونسوڵگەریەکان یان نوێنەرایەتیەکانى حکومەتى هەرێمى کوردستان لە دەرەوە پەسەندى بکات، ئینجا بیهینێت بۆ فەرمانگەى پەیوەندیەکانى دەرەوە.

·         پاش پەسەندکردنى بەڵگەنامەکان لە فەرمانگەى پەیوەندیەکانى دەرەوە، پێویستە ببرێت بۆ وەزارەتى داد بۆ پشتڕاستکردنەوەى.

·         هەروەها هەریەک لە بەڵگەنامەى (دامەزراندنى کۆمپانیا، بارى شارستانى و بەڵگەنامەى خوێندن ) دەکرێت لە باڵیۆزخانەکانى عێراق لە دەرەوە یان لە نوێنەرایەتیەکانى حکومەتى هەرێم لە دەرەوە پەسەند بکرێن.

·         هەر بەڵگەنامەیەک کە هاوڵاتیان بۆ دەرەوەى ووڵات دەیانبەن ئەوا دەبێت لە وەزارەتى داد پەسەند بکرێت ئینجا بهێنرێت بۆ فەرمانگەى پەیوەندیەکانى دەرەوە پەسەند بکرێت.

·         بۆ بەڵگەنامەى لە دایک بوون، هاوڵاتیان دەبێت بەڵگەنامەکانیان لە وەزارەتى تەندروستى پەسەند بکەن ، پاشان بیهێنن بۆ فەرمانگەى پەیوەندیەکانى دەرەوە.

·         بەڵگەنامەى تۆمارى (صورە القید) دەبێت لە بەرێوبەرایەتى گشتى ڕەگەزنامە پەسەند بکرێت و ئینجا بهێنرێت بۆ وەزارەتى داد و فەرمانگەى پەیوەندیەکانى دەرەوە.

·         بەڵگەنامەى خوێندنى ئامادەیی پێوستە لە بەرێوبەرایەتى گشتى ئەزموونەکان پەسەند بکرێت و ئینجا بهێنرێت بۆ وەزارەتى داد و فەرمانگەى پەیوەندیەکانى دەرەوە.

·         بەڵگەنامەى زانکۆ پێویستە لە وەزارەتى خوێندنى باڵا پەسەند بکرێـت و ئینجا بهێنرێت بۆ وەزارەتى داد و فەرمانگەى پەیوەندیەکانى دەرەوە.


لە پەیوەندیەکى تەلەفۆنیدا وەزیرى دەرەوەى عیراق لەگەڵ بەرپرسى پەیوەندیەکانى دەرەوەى حکومەت باسى لە هاوکارى و هەماهەنگى لە پێناو زیاتر فراوانکردنى پەیوەندیەکان کرد

Tue, 20 Aug 2019 11:26:09

ئەمڕۆ سێشەممە بەڕیز محمد على الحکیم وەزیرى دەرەوەى عیراق پەیوەندیەکى تەلەفۆنى لەگەڵ بەڕێز سەفین دزەیى بەرپرسى پەیوەندیەکانى دەرەوەى حکومەت ئەنجامدا، وێڕاى پیرۆزبایى باسیان لە هاوکارى و هەماهەنگى لە پێناو زیاتر فراوانکردنى پەیوەندیەکان کرد.

 

بەبۆنەى کۆتایى هاتنى کارەکانى، کونسوڵی گشتی فەڕەنسا لە هەرێم سەردانی فەرمانگەی پەیوەندیەکانی دەرەوەی کردو لەلایەن سەفین دزەیى بەرپرسی پەیوەندیەکانی دەرەوە پێشوازی لێکرا

Tue, 20 Aug 2019 10:50:00

ئەمڕۆ سێشەم (٢٠/٨/٢٠١٩) بەڕێز دۆمەنیک ماس، کونسوڵی گشتی فەڕەنسا لە هەرێم بەبۆنەی کۆتایی هاتنی ئەرکەکانی سەردانی فەرمانگەی پەیوەندیەکانی دەرەوەی کرد و لەگەڵ سەفین دزەیی، بەرپرسی فەرمانگەی پەیوەندیەکانی دەرەوە کۆبووەوە.

 

بەرپرسى یونامى لە هەرێمى کوردستان UNAMI سەردانى فەرمانگەى پەیوەندیەکانى دەرەوەى کرد

Tue, 20 Aug 2019 09:07:12

ئەمرۆ ٢٠/٨/٢٠١٩ بەرێز ریکاردۆ رۆدریگز بەرپرسى نێردەى هاریکارى عیراق (یونامى) سەردانى فەرمانگەى پەیوەندیەکانى دەرەوەى کرد و لەگەڵ بەرێز سەفین دزەیى بەرپرسى فەرمانگەى پەیوەندیەکانى دەرەوە کۆبوونەوە.